Stöbern
genialokal zum Startbildschirm hinzufügen
Installieren Sie die genialokal App auf Ihrem Startbildschirm für einen schnellen Zugriff und eine komfortable Nutzung.
Installieren Sie die genialokal App auf Ihrem Startbildschirm für einen schnellen Zugriff und eine komfortable Nutzung.
Tippen Sie einfach auf Teilen:
Und dann auf "Zum Home-Bildschirm [+]".
Ihr gewünschter Artikel ist in 0 Buchhandlungen vorrätig - wählen Sie hier eine Buchhandlung in Ihrer Nähe aus:
Seebad, es chlyses, idyllisches Dörfli i der Umgäbig vo Interlake, isch eine vo de Schouplätz vo däm Mundart-Krimi. Z Seebad stöh drü Hotel. Zwöi sy i Betrieb, ds Dritte söll nächschtens wider eröffnet wärde. E nächtleche Brand zerstört aber das Gebäud. Isch es Brandstiftig? Sy die beide andere Hoteliers a däm Brand beteiliget? Oder isch Versicherigsbetrug im Spiel? E zuesätzlechi u heikli Ufgab füre Fahnder Flück. Dä hätti eigetlech gnueg eigeti Problem z löse: Eine vo syne Mitarbeiter fallt für lengeri Zyt us u der Ersatz, wo ihm sy Vorgsetzt organisiert het, macht ds Ganze nid eifacher. Zum Glück cha der Fahnder am Aabe für d Tällspieluffüehrige ga probe. Dert chan er i ne anderi Rolle schlüffe, cha abtouche u der Alltag vergässe. Oder doch nid ganz?
E spannende Krimi usem Bärner Oberland. Usere Gägend, wo touristischi Schönheite z biete het. Aber o usere Gägend, wo nid geng alls so ruehig u fridlech isch, wie me chönnti vermuete.
Der Ernst (Aschi) Hunziker isch im Jahr 1955 z Boltige, im Simetal, gebore. Nachere Lehr als Spängler-Installateur isch er zum Tal us u läbt syt 1980 ufem Bödeli, em Gebiet zwüschem Thuner- u Brienzersee. Gwärchet het er ufem Flugplatz Interlake als Flugzügspängler u später bi der Gmeind Interlake als Aalage- u Materialwart bi der Füürwehr. Ab 1999 isch er Kommandant vo der regionale Zivilschutzorganisation Jungfrou gsy. Mittlerwyle isch er pensioniert. Syt Jahre schrybt er Mundartgschichte, Romän, Krimis u o Volkstheater. D Büecher sy im Buechhandel erhältlech. D Theater bim Elgg Verlag z Belp. Wyteri Informatione über e Outor u sys Schaffe stöh uf der Websyte www.ernsthunziker.ch
